اسلام آباد(نیوز ڈیسک) حکومت نے دفترخارجہ کی ترجمان تسنیم اسلم کو تبدیل کر کے انکی جگہ قاضی خلیل اللہ کو دفتر خارجہ کا نیا ترجمان مقرر کر نے کا فیصلہ کر لیا ہے ۔ قاضی خلیل اللہ جلد عہدے کا چارج سنبھال لیں گے۔ ذرا ئع کے مطا بق تسنیم اسلم اب ایڈیشنل سیکرٹری اقوام متحدہ کے عہدے پر فرائض سرانجام دیں گی۔ قاضی خلیل اللہ ایڈیشنل سیکرٹری برائے مشرق وسطیٰ کے عہدے پر کام کر رہے ہیں۔ قاضی خلیل اللہ کیوبا، روس اور جینوا سمیت کئی ممالک میں بطور سفارت کار فرائض سرانجام دے چکے ہیں۔ تسنیم اسلم کی دفتر خارجہ کی یہ آخری ہفتہ وار بریفنگ تھی جس کے بعد قاضی خلیل اللہ بطور ترجمان دفتر خارجہ فرائض سرانجام دیں گے۔