لاہور(آن لائن)مسلم لیگ ن کے سینٹر اور میڈیا سیل کے انچارج مشاہد حسین نے اداروں کو وارننگ جاری کرتے ہوئے کہا ہے کہ اب اگر الیکشن میں گڑبڑیا پھر بندا اٹھایا تو ذمہ دار اور محکمے کا نام بے نقاب کرینگے کیونکہ خفیہ سرگرمیاں کرنے والے پہلے بھی کئی بار ناکام ہوچکے ہیں ۔
منگل کے روز مشاہد حسین نے اپنے بیان میں اداروں کو خبر دار کرتے ہوئے کہا ہے کہ کوئی بھی الیکشن میں گڑبڑ کی جرات نہ کرے اور اگر اب کسی بھی بندے کواٹھانے والا کام کیا تو ذمہ دار اور محکمہ کا نام بے نقاب کردیں گے۔ انہوں نے مزید کہا کہ مسلم لیگ (ن )کا اینٹی دھاندلی سیل میں وکلاء اور سوشل میڈیا ورکرز شامل ہیں اور ہمارا احتجاج25 جولائی کو عوام کو نکالنا ہے اگر ہم حالیہ واقع پر باہر نکل کر ٹائیر جلاتے تو ہمارے مخالفین الیکشن ملتوی کرادیتے ۔مشاہد حسین نے مطالبہ کیا ہے کہ آخر نواز شریف کا فیصلہ کہاں سے مینوفیکچر ہوا ہے کیونکہ اس کی ٹائمنگ اور فیصلہ متنازع ہے ۔
