اسلام آباد،راولپنڈی(مانیٹرنگ ڈیسک) محلات میں رہنے والے کیپٹن (ر) صفدر نے گرفتاری سے بچنے کیلئے 2دن ہری پور کے پہاڑوں میں ایک غار کے اندر گزارے ۔تفصیلات کے مطابق احتساب عدالت کے فیصلے کے بعد جب کیپٹن (ر) صفدر کو پتہ چلا کہ فیصلہ ان کے خلاف آیا ہے تو اب ان کی گرفتاری ہوجائے گی اس ڈر سے کیپٹن (ر) صفدر نے مانسہرہ کے قریب ہری پور کے چھپر روڈ کے قریب واقع پہاڑی سلسلے کی ایک غار میں 2دن اسلحہ کے ساتھ گزارے جہاں سے وہ راولپنڈی پہنچے اور ریلی کی قیادت کرتے ہوئے اپنے آپ کو نیب کے حوالے کردیا۔
دریں اثناء کیپٹن (ر) صفدر کا اڈیالہ جیل میں میڈیکل چیک اپ کلیئر ہونے کے بعد انہیں جیل میں A کیٹگری فراہم کردی گئی اب مجرم کو ایک روم میں ائیر کنڈیشن، فریج، ٹی وی اخبارات اور تین خدمت گار فراہم کیے جائیں گے۔ تفصیلات کے مطابق پیر کے روز کیپٹن (ر) صفدر اڈیالہ جیل راولپنڈی میں پہنچے تو وہاں کے ہسپتال کے ڈاکٹروں نے ان کا میڈیکل چیک اپ کیا جس کے بعد چیک اپ کلیئر ہوتے ہی انہیں A کیٹگری جیل میں فراہم کردی گئی اب کیپٹن (ر) صفدر کو ایک علیحدہ روم میں ائیر کنڈیشن، فریج، ٹی وی اخبارات اور تین خدمت گار قیدی فراہم کیے جائیں گے جو کہ ان کے خدمت پر معمور رہیں گے اس کے علاوہ کیپٹن (ر) صفدر کے سامنے بیڈ منٹن کورٹ اور لان بھی موجود ہے واضح رہے کہ کیپٹن (ر) صفدر ایون فیلڈ کے دستاویزات میں بطور گواہ تھے اور معاہدہ بوگس ثابت ہونے پر انہیں احتساب عدالت نے 1سال قید بامشقت کی سزا سنائی۔
