لاہور(نیوز ڈیسک) معروف قانون دان ایس ایم ظفر نے کہا ہے کہ نواز شریف کا جرم اور سزا بڑی ہے اس لئے حکم امتناع نہیں ملے گا، اگر سابق وزیر اعظم واپس نہیں آتے تو انہیں انٹرپول کے ذریعے پاکستان لایا جاسکتا ہے۔فیصلے پر اپنے رد عمل میں انہوں نے کہا کہ کیس اور جرم کو دیکھ کر لگتا ہے کہ سزا درست دی گئی ہے ۔تاہم یقین ہے مریم نواز کو سزا کے خلاف حکم امتناع مل جائے گا مگر نواز شریف کا جرم اور سزا بڑی ہے انہیں حکم امتناع

نہیں ملے گا۔ انہوں نے کہا کہ مریم نواز کو غلط بیانی نہیں بلکہ منی لانڈرنگ میں معاونت کی سزا ملی، جرمانے کے بدلے میں دونوں کی پاکستان میں جائیداد ضبط ہوسکتی ہے، ایون فیلڈ اپارٹمنٹس تمام اپیلیں مسترد ہونے تک ضبط نہیں ہوسکیں گے۔ایس ایم ظفر نے کہا کہ انٹرپول ٹرائل کورٹ کے کہنے پر نواز شریف کو لاسکتا ہے۔80 اور 90 میں سب کو معلوم تھا فلیٹس نوازشریف کے ہیں، میں اس وقت شہباز شریف کو فلیٹس کے باہر ملا تھا۔