جڑانوالہ (نیوز ڈیسک) سابق وفاقی وزیر مملکت برائے داخلہ طلال چوہدری نے کہا ہے کہ زرداری عمران گٹھ جوڑ کا مقصد آئندہ انتخابات کے بعد آصف زرداری کو صدر اور عمران خان کو وزیر اعظم بنانا ہے۔وزارت عظمیٰ لوٹوں سے نہیں ووٹوں سے ملے گی۔وہ حلقہ پی پی 100-کے امیدوار مسز شاہد اقبال اعوان اور پی پی 101-سے مسلم لیگ (ن) کے امیدوار رائے حیدر علی کھرل کے ہمراہ پریس کانفرنس سے خطاب کر رہے تھے ۔
حلقہ این اے 102-سے مسلم لیگ (ن) کے امیدوار طلال چوہدری نے کہا کہ فاٹا اور کراچی سمیت ملک سے دہشت گردی کا خاتمہ نواز شریف کا اہم کارنامہ ہے نواز شریف سے لڑائی لڑنے والے پاکستان کا نقصان کر رہے ہیں اگر موٹر وے اور سی پیک منصوبے مکمل کروانے ہیں تو پھر ووٹ نواز شریف کو دینا ہوگا۔مزید کہا کہ 25جولائی کو شہباز شریف کراچی کی سیٹ بھی جیتے گا ۔سندھ حکومت پر تنقید کرتے ہوئے طلال چوہدری نے کہا کہ جس پیسے سے کراچی اور سندھ کا کچرہ اٹھایا جانا تھا وہ پیسہ زرداری کی جیب میں چلا گیا ۔مسلم لیگ (ن) کے مخالفین کو نہ عوام سے کچھ ملنا ہے اور نہ ہی عدالت سے مایوسی ان لوگوں کا مقدر ہے۔انہوں نے کہا کہ نواز شریف کے ساتھ پہلے بھی ظلم کیا گیا اور اب بھی کیا جا رہا ہے پہلے اسے باپ کے جنازے کو کندھا نہ دینے دیا گیا اور اب اسے اپنی بیگم کی تیمار داری کے لئے نہ جانے دیا گیا اور وہ اپنی اہلیہ سے بات بھی نہ کر سکے ۔ایک سوال کے جواب میں طلال چوہدری نے کہا کہ نواز شریف اور مریم نواز الیکشن سے پہلے پاکستان آکر الیکشن مہم میں بھرپور حصہ لیں گے ۔ طلال چوہدری نے کہا ہے کہ زرداری عمران گٹھ جوڑ کا مقصد آئندہ انتخابات کے بعد آصف زرداری کو صدر اور عمران خان کو وزیر اعظم بنانا ہے۔وزارت عظمیٰ لوٹوں سے نہیں ووٹوں سے ملے گی۔وہ حلقہ پی پی 100-کے امیدوار مسز شاہد اقبال اعوان اور پی پی 101-سے مسلم لیگ (ن) کے امیدوار رائے حیدر علی کھرل کے ہمراہ پریس کانفرنس سے خطاب کر رہے تھے ۔
