کوئٹہ(مانیٹرنگ ڈیسک)بلوچستان نیشنل پارٹی نے انتخابی منشور کا اعلان کردیا ۔اخترمینگل نے کہا ہے کہ وہ قوتیں جو ملک کی خوشحالی چاہتی ہیں صاف الیکشن کو یقینی بنائیں،نوازشریف کا کباڑا ہم نے نہیں خلائی مخلوق نے کیا۔بلوچستان نیشنل پارٹی نے انتخابی منشور میں تعلیم، صحت، روزگار، زراعت،لائیوسٹاک اور خوراک کے شعبوں کواولین ترجیح دی ہے۔بی این پی کے سربراہ سرداراخترمینگل کا کہنا تھا کہ افغان مہاجرین کی واپسی کو یقینی بنایاجائیگا۔

پیداواری شعبوں میں 40ہزارملازمتیں پیدا کی جائیں گی۔سرداراخترمینگل کا کہنا تھا کہ بی این پی کے کارکنوں اور امیدواروں کو ڈرایا دھمکایا جارہا ہے۔،انتخابات صاف و شفاف نہیں کروانے تو قوم کے اربوں روپے ضائع نہ کئے جائیں۔بی این پی کے سربراہ کاکہنا تھا کہ گیارہ ہزار پرائمری،12سو مڈل اور ایک ہزار ہائی سکولوں کو اپ گریڈ کیاجائیگا ،بلوچستان بھر میں مفت ایمبولینس سروس فراہم کی جائے گی۔