صوابی(این این آئی)پی ٹی آئی نے الیکشن کمیشن آف پاکستان کے انتخابی حکم نامہ کے برعکس ووٹران کو دوسرے امیدواروں سے توڑنے کیلئے ترقیاتی کام کی لالچ دیا شروع کردیا ٹیوب ویل اور ہینڈ پمپ بور ٹی ایم اے ٹوپی کے زیرے نگرانی ورکروں میں تقسیم جب کہ سلائی مشین بھی دئے جانے کا انکشاف جب کہ سپیکر اسد قیصر پی ٹی آئی تنظیم کو اپنی راہ میں ہموار کرنے کیلئے ٹرانسفارمز دینے لگے

تفصیلات کے مطابق الیکشن کمیشن کے واضح ہدایات کے باوجود سابق حکمران جماعت نے سرکاری فنڈز سے بعض ترقیاتی سکیمیں پس انداز کی ہیں ٹوپی میں اپنے حمایتیوں کو ٹراسفارمرزکے زریعے رام کررہے ہیں تحصیل کونسلران کے زریعے ورکروں میں ہینڈ پمپ اور پانی بور دئے جارہے ہیں اس سے قبل ٹوپی کے عوام پانی کی بوند بوند کیلئے ترس رہے تھے لیکن ایک سال سے کوئی سکیم نہیں کیا جارہا تھا اب انتخابات میں کامیابی حاصل کرنے کیلئے سیاسی رشوت کے طور پر سپیکر نے ورکروں میں ٹرانفسارمر سمیت ٹیوب ویل اور پانی کی سپلائی سکیمیں دے رہے ہیں ساتھ ہی تحصیل ناظم نے ٹی ایم اے کی فنڈز سے سلائی مشینیں خریدی ہیں جس کو خفیہ مقام پر الیکشن کیلئے محفوظ رکھا ہے اب ان خواتین کو دیں گے جو اسپیکر کیلئے ووٹ پیدا کریں گے اس کے علاوہ ٹی ایم اے ٹوپی کے سرکاری گاڑیوں میں الیکشن مہم چلائی جارہی ہیں ٹوپی کے سماجی وسیاسی حلقوں نے الیکشن کمیشن آف پاکستان سے فوری طور پر سرکاری وسائل کو بے دریغ استعمال کرنے اور ٹی ایم اے ٹوپی کو الیکشن پر اثر انداز ہونے کا نوٹس لیں تحصیل ناظم زاتی حکم سے پی ٹی آئی کے علاوہ دیگر سیاسی پارٹیوں کے بورڈ اتار رہے ہیں جس کی باقاعدہ ٹی ایم اے کو فیس ادا کی گئی ہے ۔واضح رہے کہ اس سے قبل ن لیگ کی جانب سے بھی انتخابات کی شفافیت پر سنجیدہ سوالات اٹھائے جا چکے ہیں جب کہ اس حوالے سے ن لیگ نے الیکشن کمیشن سے بھی رابطہ کیا ہےجس کے بعد الیکشن کمیشن کی جانب سے صوبائی حکومت کو احکامات جاری کئے گئے تھے ۔

موضوعات:اسد قیصر الیکشن کمیشن آف پاکستان پی ٹی آئی