اسلام آباد(مانیٹرنگ ڈیسک)ایمنسٹی سکیم ،الماس بوبی نے100کروڑ کے اثاثے ظاہرکردیئے۔میڈیا رپورٹس کے مطابق ریجنل ٹیکس آفس راولپنڈی میں الماس بوبی نے ٹیکس ایمنسٹی ڈیکلیریشن جمع کرایا ہے۔ اس رضاکارانہ سکیم کے تحت ایف بی آر کسی بھی فرد سے ذرائع آمدن نہیں پوچھ سکتا لہٰذا الماس بوبی کو یہ بتانے کی ضرورت نہیں کہ یہ اثاثے کیسے بنائے۔
اس سکیم کے تحت اپنی آمدنی بتانے والے کو صیغہ راز میں رکھا جاتا ہے لیکن ایف بی آر کے راولپنڈی ریجنل بورڈ کے ایک اہلکار نے قانون توڑتے ہوئے الماس بوبی کی تصویر اپنے فیس بک پیج پر پوسٹ کردی۔ایف بی آر حکام کے مطابق الماس بوبی نے تقریباً 110 ملین روپے کے اثاثے ظاہرکئے ہیں اور تقریباً 5.5 ملین روپے کا ٹیکس بھی ادا کیا ہے۔فارم بھرنے کےلئے ایف بی آر کے اہلکاروں نے الماس بوبی کی مدد کی۔واضح رہے کہ اس سکیم کی مدت بڑھا کر 31 جولائی تک کردی گئی ہے۔
