اسلام آباد(نیوز ڈیسک)برطانوی سیاسی جماعت لبرل ڈیموکریٹس کے سربراہ اور نائب وزیر اعظم نک کلیگ ایشیائی ریسٹورنٹ پہنچ گئے۔جہاں انہوں نے ووٹرز کو اپنے ہاتھوں سے کھانا بنا کر کھلایا۔برطانیہ میں عام انتخابات میں امیدوار ووٹرز کو خوش رکھنے کیلئے ہر قسم کا جتن کر رہے ہیں۔ لبرل ڈیموکریٹس کے سربراہ نک کلیگ مہم کے سلسلے میں کارڈف ساوتھ ویلز کے علاقے میں ایک ایشیائی ریسٹورنٹ جا پہنچے۔ جہاں انہوں نے کچن میں جا کر کھانا پکایا اور ایشیائی ووٹرز کے ساتھ مل کر کھایا۔ ان کی اہلیہ بھی اس مہم میں ان کےساتھ تھیں۔ اس موقع پران کا کہنا تھا کہ وہ اپنی کامیابی کیلئے انتہائی پر یقین ہیں۔