اسلام آباد (مانیٹرنگ ڈیسک) مسلم لیگ (ن) کی خاتون رہنما عظمیٰ بخاری نے ایک نجی ٹی وی چینل کے پروگرام میں کہا کہ عمران خان آج تک اپنی ماں کا کینسر بیچ رہا ہے،انہوں نے کہا کہ جو لوگ گھٹیا سیاست کر رہے ہیں، ان پر اللہ کی لعنت، عظمیٰ بخاری نے کہا کہ جو کسی کی ماں کی بیماری کا مذاق اڑائے،اس پر اللہ کی لعنت ہو۔ تحریک انصاف عمران خان کے چیئرمین کو عظمیٰ بخاری نے بیگم کلثوم نواز کے وینٹی لیٹر کو سیاسی وینٹی لیٹر کہنے پرآڑے ہاتھوں لے لیا۔ لیگی رہنما عظمیٰ بخاری نے کہا کہ
مجھے ان باتوں کا جواب دینا ہے،اللہ سب کی ماؤں کو سلامت رکھے،جوگھٹیا حرکتیں کرے اور جو ماؤں کے اوپر گھٹیا سیاست کرنے کی کوشش کرے، اس پر اللہ کی لعنت ہو، جو کسی کی ماں کی بیماری کا مذاق اڑائے اس کا بیڑہ غرق ہو، عمران خان کی ساری سیاست شوکت خانم کے کینسر کے گرد گھومتی ہے، وہ ابھی تک اپنی ماں کا کینسر بیچ رہے ہیں، انہوں نے کہا کہ کسی مردہ ضمیر کے آدمی کو کسی مردہ دل کے آدمی کو ماؤں کی تکلیف نہیں ہو سکتی، میری بھی ماں ہے اللہ نہ کرے کہ ایسا دن مجھ پر آئے۔
