اسلام آباد(نیوزڈیسک) وفاقی وزیردفاع خواجہ محمدآصف نے کہاہے کہ بھارت کوپاک چین اقتصادی تعاون سے تکلیف ہے ۔انہوں نے کہاکہ الطاف حسین نے جیسا بیان راکے بارے میں دیاہے ایساکوئی پاکستانی نہیں کرسکتا۔وفاقی وزیرنے کہاکہ بلوچستان کے کئی نام نہاد رہنماءبھارتی پاسپورٹ پرسفرکرتے ہیں ۔انہوں نے کہاکہ الطاف حسین نے نئی دہلی میں ایک بارمعافی مانگی تھی ۔خواجہ آصف نے کہاکہ الطاف حسین نے متنازعہ بیانات دیناوطیرہ بنارکھاہے ۔انہوں نے کہاکہ الطاف حسین کے بارے میں قانونی چارہ جوئی کی جائے گی ۔انہوں نے کہاکہ راکامقصد ہی ایک ہے کہ کسی طرح پاکستان کونقصان پہنچایاجاتاہی رہے ۔انہوں نے کہاکہ ہمارے فوجی جوان ملک کوامن کاگہوارہ بنانے کے لئے اپنی جانوں کے نذرانے پیش کررہے ہیں ۔