اسلام آباد(سپیشل رپورٹ)عام انتخابات جوں جوں قریب آرہے ہیں ،انتخابی ا میدواروں کی جانب سے ووٹرز کو مختلف طریقوں سے لبھانے کا سلسلہ جاری ہے ۔اسی سلسلے میں عوامی مسلم لیگ کے سربراہ شیخ رشید کی جانب سے بھی ووٹرز کو اپنی جانب مائل کرنے کیلئے ایک انوکھا اور منفرد طریقہ اپنایا گیا ہے ۔اسلام آباد ،راولپنڈی کے مختلف اخبارات میں ایک اشتہار شائع کیا گیا ہے جس کا عنوان 3ناشتے 3جلسے ہیں۔

اس اشتہار کو بغور پڑھا جائے تو معلوم ہوتا ہے کہ شیخ رشید کی جانب سے آج بروز اتوار سکیم تھری چکلالہ میں صبح 8بجے ، اصفر مال سکیم یو سی 20میں صبح 9بجے اور گلزار قائد مین روذ پر صبح 10بجے ناشتے کا اہتمام کیا گیا ہے جب کہ 22جولائی بروز اتوا ر کو این اے 60میں رات 9بجے جبکہ 23جولائی بروز پیرکو این اے 62میں رات 9بجے عوامی جلسے کا اعلان کیا گیا ہے۔دریں اثنا ء شیخ رشید نے موٹر سائیکل پر انتخابی مہم چلانے کا اعلان کر دیاہے۔