اسلام آباد(مانیٹرنگ ڈیسک)اسحاق ڈارجو لندن میں اپنی بیماری کا علاج کرانے کیلئے گزشتہ کئی ماہ سے مقیم ہیں۔اسی وجہ سے وہ عدالت میں پیش بھی نہیں ہورہے  لیکن اب لندن سے ان کی ایک ایسی ویڈیو سامنے آگئی ہے کہ سوشل میڈیا پر ہنگامہ مچ گیا ہے۔لندن سے سامنے آنے والی ویڈیو میں واضح طور پر دیکھا جاسکتا ہے کہ نواز شریف میڈیا سے گفتگو کر رہے ہیں اور بیگم کلثوم نواز کی صحت کے حوالے سے میڈیا کو آگاہ کر ر ہے ہیں۔

اسی دوران کلینک کے اندر سے اسحاق ڈار اچانک نمودار ہوئے اور صحافیوں سے نظر بچا کرایک طرف سے ہو کر نکلنے لگے تو ایک صحافی کی ان پر نظر پڑ گئی ۔اس نے اپنا کیمرہ نواز شریف سے ہٹا کر اسحاق ڈار کی طرف کردیا۔ اسحاق ڈار موقع سے نکلنے لگے تو صحافی نے ان کا پیچھا کرنا شروع کردیا اور ان سے سلام دعا کرنے کے بعد طبیعت کا پوچھا تو سابق وزیر خزانہ نے ہاتھ کے اشارے سے صحافی کو نواز شریف کی کوریج کرنے کا کہااور گاڑی میں بیٹھ گئے

موضوعات:شیخ رشید