لاہور(نیوز ڈیسک)پاکستان کرکٹ بورڈ نے ٹیسٹ کرکٹر فیصل اقبال پر 4 ڈومیسٹک میچوں میں حصہ لینےپر پابندی عائد کر دی۔ ان پر یہ پابندی ڈسلپن کی خلاف ورزی پر عائد کی گئی ہے۔ پی سی بی کی انضباطی کمیٹی نے طویل عرصے تک ان کا کیس سننے کے بعد یہ سزا سنائی ہے۔ فیصل اقبال اسی ماہ شروع ہونے والے ٹی ٹوئنٹی ٹورنامنٹ کے پہلے چار میچوں میں شرکت نہیں کر پائیں گے۔
فیصل اقبال نے گزشتہ سال پینٹنگولر کپ کے موقع پر ایک میچ کے لئے ٹیم سے ڈراپ کئے جانے کے بعد کوچ سے بدتمیزی کی تھی۔ فیصل اقبال کو پنجاب بادشاز کے خلاف میچ میں باہر بٹھانے کا فیصلہ کیا تھا جس پر انہوں نے کوچ سے لڑائی کی اور پھر بغیر اجازت لئے بیگ اٹھا کر گھر چلے گئے تھے۔
مزید پڑھئے:زمین سے متعلق 10دلچسپ انکشافات : اپنے سیارے کو جانئے
