راولپنڈی ( نیوز ڈیسک)میجر جنرل محمد عمران مجید کو لیفٹیننٹ جنرل کے عہدے پر ترقی دے کر کمانڈنٹ اے ایف آئی سی راولپنڈی تعینات کر دیا گیا ہے۔پاک فوج کے شعبہ تعلقات عامہ کے مطابق لیفٹیننٹ جنرل محمد عمران مجید کو ترقی دے کر کمانڈنٹ عسکری ادارہ برائے امراض قلب تعینات کیا گیا ہے ، لیفٹیننٹ جنرل محمد عمران مجید کارڈیک الیکٹرو فزیالوجی کے شعبے میں ملکی و بین الاقوامی سطح پر جانے جاتے ہیں۔ ان کی خدمات اور پیشہ وارانہ قابلیت کے پیش نظر انہیں سرجن جنرل کے عہدے پر تعینات کیا گیا ہے۔ اس سے قبل وہ آرمی میڈیکل کالج میں خدمات انجام دے رہے تھے۔