بھوپال(نیوزڈیسک) بھارتی ریاست مدھیا پردیش میں بس حادثے کے نتیجے میں 35 افراد ہلاک اورمتعدد زخمی ہوگئے۔زخمیوں میں بعض کی حالت نازک ہے جس کے باعث ہلاکتوں میں اضافے کاخدشہ ہے بھارتی ریاست مدھیا پردیش کے ضلع پنا میں مسافر بس بے قابو ہو کر پل سے نیچے جا گری جس کے نتیجے میں بس میں آگ لگ گئی اوراس میں سوار 35 مسافر جھلس کر ہلاک اور 18 سے زائد زخمی ہوگئے، لاشوں اورزخمیوں کو قریبی ہسپتال منتقل کردیا گیا جہاں ہسپتال انتظامیہ کے مطابق لاشیں بری طرح جھلس چکی ہیں ۔ زخمیوں کی حالت بھی تشویشناک ہے جس کے باعث ہلاکتوں میں اضافے کاخدشہ ہے ۔