دبئی (نیوز ڈیسک) انٹرنیشنل کرکٹ کونسل نے انگلینڈ اور ویسٹ انڈیز کی ٹیسٹ سیریز کے اختتام پر نئی رینکنگ جاری کی ہے جس کے مطابق پاکستانی ٹیم رینکنگ میں چوتھے سے تیسرے نمبر پر پہنچ چکی ہے۔ پاکستانی ٹیم کی رینکنگ میں بہتری کی وجہ انگلینڈ کی شکست بنی۔ انگلینڈ کو ویسٹ انڈیز کے ہاتھوں ٹیسٹ سیریز کے آخری میچ میں شکست ہوئی۔ انگلش ٹیم اس شکست کے باعث چوتھے سے تیسرے نمبر پر چلی گئی اور یوں پاکستانی ٹیم کی رینکنگ میں ایک درجہ بہتری ہوئی۔ جنوبی افریقہ کی ٹیم رینکنگ میں پہلے نمبر پر ہے جبکہ آسٹریلیا دوسرے اور پاکستان تیسرے نمبر پر ہے۔ انگلینڈ چوتھے، نیوزی لینڈ پانچویں، سری لنکا چھٹے اور بھارت ساتویں نمبر پر ہے۔ پلیئرز رینکنگ میں پاکستان کے یونس خان اور مصباح الحق ٹاپ ٹین بلے بازوں میں شامل ہیں۔