ممبئی (نیوز ڈیسک) بالی ووڈ اداکارہ کنگنا رناوت کو ان کی فلم ”کوئین“ میں بہترین اداکاری پر نیشنل فلم ایوارڈ سے نوازا گیا ہے۔ یہ ایوارڈ تقریب رات گئے نئی دہلی میں منعقد ہوئی تھی جہاں کنگنا کو بھارتی صدر پرناب مکھر جی نے ایوارڈ سے نوازا۔ بہترین اداکار کا ایوارڈ وجایا کمار بی کو مقامی زبان کی ایک فلم کیلئے دیا گیا۔ بہترین فلم کا ایوارڈ مراٹھی زبان میں بنائی گئی فلم ”کورٹ “ نے حاصل کیا۔ اس موقع پر بہترین پلے بیک سنگر کا ایوارڈ 10برس کے اتھارا انیکرشن کو ملا۔ کنگنا کی فلم کوئین خواتین کو بااختیار بنانے کے موضوع پر ہے اور اسے سنجیدہ حلقوں میں بے حد پسند کیا جارہا ہے۔