ممبئی (نیوز ڈیسک) بالی ووڈ اداکاراﺅں کے بارے میں عام تصور یہی ہے کہ وہ زیادہ کھانے پینے سے پرہیز کرتی ہیں تاہم دپیکا پڈوکون کے معاملے میں یہ خیال غلط ہے۔ اداکارہ نہ صرف عام افراد کی طرح کھاتی پیتی ہیں بلکہ وہ ہر تیسرے منٹ کچھ نہ کچھ منہ میں ڈالنے کی عادی ہیں۔ دپیکا کی اس عادت کا انکشاف بالی ووڈ سٹار امیتابھ بچن نے کیا ہے۔ یہ دونوں اور عرفان خان بالی ووڈ کی نئی فلم پیکو میں ایک ساتھ جلوہ گر ہوئے ہیں۔ اس سلسلے میں ایک پروموشنل تقریب میں امیتابھ نے دپیکا کے ہمراہ کام کے تجربے کو بیان کرتے ہوئے انکشاف کیا کہ اداکارہ کو کھانے پینے کا بے حد شوق ہے اور وہ ہر تیسرے منٹ منہ چلاتی دیکھی جاسکتی ہیں۔ اس رپورٹ میں دپیکا نے بھی امیتابھ کے حوالے سے دلچسپ انکشاف کیا کہ وہ ان سے چیزیں چھین کے کھا جاتے تھے۔