ممبئی(نیوز ڈیسک)بالی ووڈ اداکار اکشے کمار کی نئی فلم گبراز بیک نے اپنی ریلیز کے پہلے ہی 2 روز کے دوران 24کروڑ روپے کی کمائی کرکے نیا ریکارڈ قائم کردیا۔
بھارتی میڈیا کے مطابق فلم نے ریلیز کے پہلے روز جمعہ کو 13کروڑ 5لاکھ اور دوسرے روز ہفتہ کو 11 کروڑ 35 لاکھ کا بزنس کیا رپورٹ کے مطابق ”گبر از بیک“ نے پہلے روز 13کروڑ روپے کمانے والی پہلی بھارتی کا اعزاز حاصل کرلیا ہے۔ سنجے لیلا بھنسالی کی پروڈکشن اور کرش کی ہدایات میں بننے والی اس فلم میں اکشے کمار کے ساتھ شروتی ہاسن ہیروئن کے کردار میں ہیں اور اسے ناقدین کی جانب سے بھی مجموعی طور پر مثبت ردعمل دیا گیا ہے۔دریں اثنا اداکار اکشے کمار نے سماجی رابطے کی ویب سائٹ ٹوئیٹر پر کہا کہ مداحوں کی جانب سے فلم گبراز بیک پرملنے والی ایسی محبت کبھی نہیں ملی۔ اداکار کا کہنا تھا کہ ان کی خوشی دیدنی تھی کہ جب انھوں نے اپنی فلم کا پوسٹر ایک کرین پرلے جاتے دیکھا جو کہ پھولوں سے سجا ہوا تھا۔