اسلام آباد (مانیٹرنگ ڈیسک) نوکیا کا نیا اینڈرائیڈ سمارٹ فون مارکیٹ میں آتے ہی دس سیکنڈ کے اندر اندر فروخت ہو گیا، ایک نجی ٹی وی چینل کی رپورٹ کے مطابق نوکیا نے اپنے نئے سمارٹ فون کو متعارف کروا دیا ہے، نوکیا کمپنی نے اپنے نئے سمارٹ فون نوکیا ایکس 6 کو چین میں فروخت کے لیے پیش کیا، جہاں پر یہ فون چند سیکنڈ میں فروخت ہوگیا۔ اس بات کا انکشاف سوشل میڈیا پر نوکیا کی ایک پوسٹ میں کیا گیا ہے۔ چینی سوشل میڈیا نیٹ ورک ویبو پر سامنے آنے والی پوسٹ میں کہا گیا ہے کہ نوکیا

ایکس 6 کے ہزاروں سیٹ 10 سیکنڈ میں فروخت ہوگئے۔ لیکن اس بات کا اعلان نہیں کیا گیا کہ یہ ایکس 6 موبائل کتنی تعداد میں چین کے مختلف حصوں میں فروخت کے لیے پیش کیے گئے۔ نوکیا ایکس سکس 5.8 انچ کے بیزل لیس ڈسپلے کے ساتھ ہے جس میں پہلی بار اس کمپنی نے آئی فون ایکس جیسا نوچ دیا ہے۔ اسی طرح یہ فون سنیپ ڈراگون 636 پراسیسر، 4 جی بی ریم،32 سے 64 جی بی سٹوریج، 16 اور 5 میگا پکسل ڈوئل رئیر کیمرہ سیٹ جبکہ 16 میگا پکسل فرنٹ کیمرے جیسے فیچرز سے لیس ہے۔