رحیم یار خان)نیوزڈیسک) پنجاب اور سندھ کے سرحد پر واقع کچے کے علاقے میں ڈاکوو¿ں نے پولیس چوکی پر حملہ کر کے اے ایس آئی سمیت 7 اہلکاروں کو اغوا کرلیا۔ پنجاب اور سندھ کے سرحدی علاقے میں دونوں صوبوں کی پولیس کی جانب سے گزشتہ 20 روز سے ڈاکوو¿ں کے خلاف آپریشن جاری ہے اور رحیم یار خان میں کچے کے علاقے رونتی میں پولیس کی جانب سے کیمپ ٹو کے نام سے ایک چیک پوسٹ قائم کی گئی تھی جس پر گزشتہ رات 2 بجے کے قریب پر غلام رسول، چھوٹو جاکھرانی اور شلتو گینگ کے ڈاکو حملہ کرکے اے ایس آئی سمیت 7 پولیس اہلکاروں کو اغوا کر کے ساتھ لے گئے۔ واقعہ کی اطلاع ملتے ہی پولیس کی بھاری نفری علاقے میں پہنچ گئی اور ڈاکوو¿ں کی مبینہ کمین گاہوں کو گھیرے میں لے لیا۔ پولیس کی جانب سے اغوا اہلکاروں کی بازیابی کے لئے آپریشن جاری ہے۔ڈی پی او رحیم یار خان سہیل ظفر کا کہنا تھا کہ مغوی پولیس اہلکاروں کی بازیابی کیلئے آپریشن جاری ہے، ڈاکوو¿ں کے گرد گھیرا تنگ کر دیا ہے اور بہت جلد تمام اہلکاروں کو ڈاکوو¿ں سے بازیاب کرا لیں گے۔ دوسری جانب وزیراعظم نواز شریف نے بھی پولیس اہلکاروں کے اغوا کو نوٹس لیتے ہوئے متعلقہ حکام کو اہلکاروں کی فوری بازیابی کا حکم دیا ہے۔