لاہور (نیوز ڈیسک) معروف گلوکار جواد احمد نے کہا ہے کہ مزدوروں کوانکے جائز حقوق دلوانے کے لئے آخرم دم تک جدوجہد جار ی رکھوں گا ، محنت کش کو اللہ نے اپنا دوست قرار دیا ہے مگر بدقسمتی سے وطن عزیز میں مزدوروں کو ان کے جائز حقوق سے مسلسل محروم رکھا جاتا رہا ہے ۔ ایک انٹرویو میں انہوں نے کہا کہ مزدوروں کو اپنے جائز حقوق کے لئے متحد ہو کر پرامن جدوجہد کرنی ہو گی تبھی انہیں ان کا حق ملے گا ۔ جواد احمد نے کہا کہ جب تک میری ایک بھی سانس باقی ہے مزدوروں کو انکے جائز حقوق دلوانے کے لئے جدوجہد کرتا رہوں گا ۔