رحیم یار خان (نیوزڈیسک) کچے کے علاقے میں پولیس چوکی پر 30 سے زائد ڈاکوؤں نے حمہ کرکے اے ایس آئی سمیت 7 پولیس اہلکاروں کو اغوا کرلیا۔پولیس کے مطابق سندھ اور پنجاب کے سرحدی علاقے رونتی میں تھانہ ماچھکہ کی پولیس چوکی پر 30 سے زائد ڈاکوؤں نے حملہ کرکے اے ایس آئی سمیت 7 اہلکاروں کو اغوا کرلیا۔ پولیس کا کہنا تھا کہ پولیس چوکی پر حملہ چھوٹوگینگ، سلتوشر اور گڈوشر کیڈاکوؤں نے کیا۔پولیس حکام کا کہنا ہے کہ ڈاکوؤں اورپولیس کے درمیان وقفے وقفے سے جھڑپیں جاری ہیں اورعلاقے میں جاری آپریشن کے لئے ضلع بھر کی پولیس کوبھی طلب کرلیا گیا ہے جب کہ یہ حملہ پولیس گھوٹکی کے علاقے میں ڈاکوؤں کے خلاف جاری آپریشن کا ردعمل ہوسکتا ہے۔