اسلام آباد(اے این این ) آئی ایس آئی کے سابق سربراہ جنرل ریٹائرڈ ظہیرالاسلام نے کہا ہے کہ حکومت کو انتہا پسندی کے خاتمے اور لوگوں کو قریب لانے کے لیے ہمہ جہت حکمت عملی اپنانا ہوگی، لوگ سمجھتے ہیں کہ بطور قوم متحد ہونا زیادہ اہم ہے، ہمیں کھلی بحث کرنا ہوگی، ایک دوسرے کا احترام کرنا ہوگا، لسانیت اور فرقہ واریت پر مبنی نفرت ختم کرنا ہوگی۔ایس ڈی پی آئی کے زیر اہتمام تقریب سے خطاب کرتے ہوئے سابق ڈی جی آئی ایس آئی
جنرل ریٹائرڈ ظہیرالاسلام کا کہنا تھا کہ حکومت کو انتہا پسندی کے خاتمے اور لوگوں کو قریب لانے کے لیے ہمہ جہت حکمت عملی اپنانا ہوگی، مکمل انتظامی اختیارات کے ساتھ ایک عبوری گورننگ باڈی ہونی چاہیے جو انتقال اقتدار کے لیے ایک غیر جانبدار ماحول قائم کرے۔ان کا کہنا تھا کہ ہمارے پاس اس سب کے لیے آئینی حکم ہونا چاہیے، سرکاری ادارے کا تسلسل اور کوالیفائیڈ اسٹاف ہونا چاہیے، احتساب اور قومی مصالحت کے لیے عزم ہونا چاہیے۔
