اسلام آباد (مانیٹرنگ ڈیسک)قصور میں دکھوں کی ماری خاتون داد رسی کیلئے تھانے پہنچ گئی، ایس ایچ او نے انسانیت کی اعلیٰ مثال قائم کرتے ہوئے سب کے دل جیت لئے۔ تفصیلات کے مطابق فتح ڈھاباں پھولنگر کی رہائشی مسماۃ رابعہ دختر محمد عاشق نے تھانہ سٹی پھولنگر میں درخواست کی کہ وہ ایک غریب عورت ہے، ماں باپ وفات پا چکے ہیں اور کوئی بھائی بھی نہیں ہے میری
ایک بھینس تھی اس کو بھی میرے مخالفین نے مار دیا ہے۔ میری داد رسی کی جائے جس پر نوجوان ایس ایچ او سٹی پھولنگر ملک محمد جبار نے عورت کو مکمل تعاون کی یقین دہانی کروائی جس پرمسماۃ رابعہ اپنے گھر واپس چلی گئی۔اگلے روز رابعہ بی بی کی اس وقت خوشی کی انتہا نہ رہی جب اس نےایس ایچ او سٹی پھولنگر ملک محمد جبار کو اپنے دروازے پر کھڑا پایا۔ ایس ایچ اوملک محمد جبار دکھوں کی ماری مسماۃ رابعہ کیلئے کسی فرشتے سے کم نہ تھےکیونکہ انہوں نے رابعہ کے سر پر ہاتھ رکھ انہیں اپنی منہ بولی بہن بنا لیا۔ ایس ایچ او نے رابعہ کے سر پر ہاتھ رکھا اور کہا کہ میں تمہارا آج سے چھوٹا بھائی ہوں ۔ رابعہ کے سر پر ہاتھ رکھنے کی دیر تھی کہ تن تنہا حالت کا مقابلہ کرنیوالی اس دکھیاری کی آنکھیں چھلک پڑیں جس پر ملک محمد جبار نے اسے تسلی دیتے ہوئے کہا کہ وہ خود کو اکیلا نہ سمجھے اس کا بھائی بھی ہے اور وہ تنہا نہیں۔ رابعہ نے واپسی پر ایس ایچ او ملک محمد جبار اور اپنے منہ بولے چھوٹے بھائی کو پھول کی پتیوں کے ساتھ الوداع کیا۔ ایس ایچ او تھانہ سٹی پھولنگر کی جانب سے انسانیت کی اعلیٰ مثال قائم کرنے پر علاقہ مکینوں کے ساتھ ساتھ میڈیا نمائندوں نے بھی ان کے اس عمل کو خوب سراہا ہے اور سوشل میڈیا پر صارفین ملک محمد جبار کے گرویدہ ہو گئے ہیں۔ رابعہ کے سر پر ہاتھ رکھنے کی دیر تھی کہ تن تنہا حالت کا مقابلہ کرنیوالی اس دکھیاری
کی آنکھیں چھلک پڑیں جس پر ملک محمد جبار نے اسے تسلی دیتے ہوئے کہا کہ وہ خود کو اکیلا نہ سمجھے اس کا بھائی بھی ہے اور وہ تنہا نہیں۔ رابعہ نے واپسی پر ایس ایچ او ملک محمد جبار اور اپنے منہ بولے چھوٹے بھائی کو پھول کی پتیوں کے ساتھ الوداع کیا۔ ایس ایچ او تھانہ سٹی پھولنگر کی جانب سے انسانیت کی اعلیٰ مثال قائم کرنے پر علاقہ مکینوں کے ساتھ ساتھ میڈیا نمائندوں نے بھی ان کے اس عمل کو خوب سراہا ہے اور سوشل میڈیا پر صارفین ملک محمد جبار کے گرویدہ ہو گئے ہیں۔
