اسلام آباد (مانیٹرنگ ڈیسک)پاکستان تحریک انصاف کے سینئر رہنما اور ممتاز ماہر قانون نعیم بخاری دورہ لندن کے دوران گر کر زخمی ہو گئے ہیں۔ تفصیلات کے مطابق انہیں لندن انڈرگراؤنڈ سٹیشن کے پلیٹ فارم پر حادثہ پیش آیا جس میں نعیم بخاری کو سر اور پسلیوں والے حصے میں چوٹیں آئیں ۔نعیم بخاری کوفوری طور پر لندن کے سینٹ میریز ہسپتال منتقل کیا گیا۔
بتایا گیا ہے کہ نعیم بخاری کی حالت خطرے سے باہر ہے ، تاہم ڈاکٹرز نے نگہداشت جاری رکھنے کا فیصلہ کیا ہے۔ نعیم بخاری نمل کالج کی چندہ مہم کے سلسلے میں لندن میں موجود تھے ۔چیئرمین تحریک انصاف عمران خان نے نعیم بخاری سے پیش آنے والے حادثے پر انتہائی افسوس کا اظہارکیا ہے اور نعیم بخاری کی جلد اور مکمل صحت یابی کیلئے دعاکی۔
