پشاور(آن لائن)حکومت خیبرپختونخوانے فوری طورپر عوامی مفادمیں لیبر کورٹس کے چھ پریزائڈنگ افسران کے تبادلوں وتعیناتیوں کے احکامات جاری کیے ہیں۔تفصیلات کے مطابق سپیشل ٹاسک پشاورکے جج زرقیش ثانی کوتبدیل کرکے ان کی تعیناتی بحیثیت پریذائڈنگ آفیسر لیبرکورٹ پشاورکی گئی ہے جبکہ پریذائڈنگ آفیسر لیبر کورٹ مردان کے محمد جمال کی بحیثیت پریذائڈنگ آفیسر لیبرکورٹ ڈی آئی خان کی گئی ہے جبکہ پریذائڈنگ آفیسر لیبرکورٹ ڈی آئی خان لیاقت مروت اورپریذائڈنگ آفیسر لیبرکورٹ
پشاورمحمد ارشددونوں کوپشاورہائی کورٹ پشاورواپس بھجوادیاگیاہے اس کے علاوہ ڈی ایس جے / او ایس ڈی پشاور ہائی کورٹ شفیق احمد تنولی کی بحیثیت پریذائڈنگ آفیسر لیبرکورٹ ہری پوراورپریذائڈنگ آفیسر لیبرکورٹ ہری پورمحمد حسین کی بحیثیت پریذائڈنگ آفیسر لیبرکورٹ مردان تعیناتیوں کے احکامات بھی جاری کیے گئے ہیں۔اس امر کااعلان اسٹیبلیشمنٹ ڈیپارٹمنٹ حکومت خیبرپختونخوا کی جانب سے جاری کرد ہ ایک اعلامیے میں کیاگیا۔دریں اثناء حکومت خیبرپختونخوا نے درج ذیل افسران کے فوری طورپرعوامی مفاد میں تبادلوں وتعیناتیوں کے احکامات جاری کیے ہیں۔تفصیلات کے مطابق ڈپٹی کمشنر بونیرظریف المعانی(پی ایم ایس بی ایس۔19 )کوتبدیل کرکے بحیثیت ڈپٹی کمشنر کرک تعینات کیاہے جبکہ ڈپٹی کمشنر کرک شفیع اللہ خان (پی اے ایس ۔بی ایس۔18 )کی بحیثیت ڈپٹی کمشنر بونیرتعیناتی کے احکامات جاری کیے گئے ہیں ۔اسی طرح ڈپٹی سیکرٹری اسٹیبلیشمنٹ ڈیپارٹمنٹ (Reg-II) یاسر حسن (پی ایم ایس ۔بی ایس۔18 )کی بحیثیت ڈائریکٹرپرائیویٹ سکولز ریگولیٹری اتھارٹی ،ای اینڈ ایس ای ڈیپارٹمنٹ اوراسسٹنٹ کمشنر پالس کوہستان محمد سہیل عزیز(پی ایم ایس ۔بی ایس ۔17 ) کی بحیثیت ڈپٹی ڈائریکٹر پرائیویٹ سکولز ریگولیٹری اتھارٹی ای اینڈ ایس ای ڈیپارٹمنٹ تعیناتی کے احکامات جاری کیئے گئے ہیں۔ ان امور کااعلان اسٹیبلیشمنٹ ڈیپارٹمنٹ حکومت خیبرپختونخوا کی جانب سے جاری کردہ دو الگ الگ اعلامیوں میں کیاگیا۔
خیبرپختونخوا سروسزٹریبونل کی فیصلے کی پیروی کرتے ہوئے حکومت خیبرپختونخوانے اپنے قبل ازیں جاری کردہ اس اعلامیے کو واپس لے لیا ہے جس میں محکمہ معدنیات کے سینئر پلاننگ آفیسر عرفان اللہ (پی سی ایس۔ ایس جی ۔بی ایس ۔18 )کو لوئر پوسٹ پرتنزلی کی سزا زیادہ سے زیادہ پانچ برس کی مدت کے لئے دی گئی تھی ۔اس امر کااعلان اسٹیبلیشمنٹ ڈیپارٹمنٹ حکومت خیبرپختونخوا کے جاری کردہ ایک اعلامیے میں کیاگیا۔
