اسلام آباد(آن لائن) پاکستان تحریک انصاف کے سربراہ عمران خان نے بجٹ اجلاس میں شرکت نہ کرنے کا فیصلہ کرتے ہوئے ارکان پارلیمنٹ کو حکومت کے خلاف ایوان میں بھرپور احتجاج کی ہدایت کر دی ۔ شاہ محمود قریشی اور اسد عمر کو ٹاسک سونپ دیا گیا۔جمعرات کے روز تحریک انصاف کے چیئرمین عمران خان سے عثمان ڈار ، شاہ محمود قریشی ، اسد عمر اور دیگر پارٹی راہنماؤں نے بنی گالہ میں ملاقات کی جس میں خواجہ آصف کے
فیصلے کے متعلق مشاورت کی گئی۔ عمران خان نے بجٹ اجلاس میں شرکت نہ کرنے کا فیصلہ کرتے ہوئے کہا کہ حکومت کو پورے سال کا بجٹ پیش کرنے کا حق نہیں اگر چار ماہ سے زائد کا بجٹ پیش کیا گیا تو بھرپور احتجاج ہو گا۔ انہوں نے شاہ محمود قریشی اور اسد عمر کو احتجاج کا ٹاسک سونپتے ہوئے ہدایت کی کہ ایوان میں پارٹی ارکان بجٹ پیش کرنے کے موقع پر احتجاج کریں اور حکومت کو پورے سال کا بجٹ پیش کرنے سے روکے جبکہ عمران خان نے آج بروز جمعہ سہہ پہر کو پارلیمانی پارٹی کا اجلاس بھی طلب کر لیا ۔
