اسلام آباد(مانیٹرنگ ڈیسک )پاکستانی فلم ’’عشق خدا‘‘ سے لوگوں کے دلوں میں اتر جانے والی اداکارہ و گلوکارہ وائم امردھامنی چل بسیں ۔ تفصیلات کے مطابق پاکستانی فلم ’’عشق خدا‘‘ میں کام کرنے والی مراکش کی اداکارہ اورگلوکارہ وائم امر دھامنی دل کا دورہ پڑنے سے چل بسیں۔ اداکارہ کی عمر 34برس تھی ۔ وائم کو 2012میں ہدایتکار شہزاد رفیق نے پاکستان فلم ’’عشق خدا‘‘ میں متعارف کرایا تھا ۔

جبکہ فلم دیگر مرکزی کردار ، احسن اقبال اور میرا شامل تھے ۔ نجی نیوز چینل کی رپورٹ کے مطابق وائم دھامنی کو انتقال دبئی میں دل کا دورہ پڑنے سے ہوا ، انہیں فوری طبی امداد دینے کیلئے ہسپتال منتقل کیا لیکن وہ جانبرنہ ہو سکیں اور دنیا فانی سے کوچ کر گئیں ۔ رباط میں پیدا ہونے والی وائم نے اپنی پہچان بطور اداکارہ ، ماڈل اور سنگر بنائی۔ بالی ووڈ کے علاوہ بھارتی ٹی وی چینلز پر بھی دکھائی دیں۔پاکستانی فلم ’’عشق خدا‘‘ کے علاوہ وائم نے پاکستانی فلم ’’ہوٹل‘‘ میں بھی مختصر سا رول ادا کیا تھا ۔ وائم دھامنی کے انتقال کے بعد شوبز کی بڑی بڑی شخصیات ان کے انتقال پر افسردہ ہیں ۔