اسلام آباد(مانیٹرنگ ڈیسک)چیف جسٹس آف پاکستان جسٹس ثاقب نثار کا حکومت کی ٹیکس ایمنسٹی سکیم کےجائزے کا عندیہ، بڑا حکم جاری کرتے ہوئے ایک کیس کی سماعت کے دوران پاکستانیوں کے بیرون ملک اثاثوں سے متعلق کیس کو جلد سماعت کے لئے مقررکرنے کا حکم جاری کر دیا۔نجی ٹی وی ایکسپریس نیوز کی رپورٹ کے مطابق چیف جسٹس آف پاکستان جسٹس ثاقب نثار نے حکومت کی ٹیکس ایمنسٹی سکیم کے جائزے کا عندیہ دیا ہے۔ چیف جسٹس کی سربراہی میں سپریم کورٹ کے 3 رکنی بینچ نے
سرکاری زمین کی ملکیت سے متعلق کیس کی سماعت کی۔سماعت کے دوران چیف جسٹس نے ریمارکس دیئےکہ بیرون ملک اکاؤنٹس اوراثاثوں پرسخت ایکشن لیں گے، سرکار کے اثاثوں کو ایسے نہیں جانے دیں گے، ٹیکس ایمنسٹی اسکیم کو دیکھیں گے ، پاکستانیوں کے بیرون ملک اثاثوں سے متعلق کیس کو جلد سماعت کے لئے مقرر کیا جائے۔واضح رہے کہ وزیراعظم شاہد خاقان عباسی نے 5 اپریل کو ٹیکس کی شرح کم کرنے اور بیرون ممالک اثاثے رکھنے والے افراد کے لیے نئی ٹیکس ایمنسٹی اسکیم کا اعلان کیا تھا۔
