لاہور (مانیٹرنگ ڈیسک) تہمینہ درانی نے ایک نجی ٹی وی چینل کے پروگرام میں گفتگو کرتے ہوئے سابق سیکرٹری زبیر محمود کے الزامات کا جواب دے دیا، میاں شہبازشریف کی اہلیہ تہمینہ درانی نے کہا کہ زبیر محمود کی سنائی گئی کہانی میں کوئی حقیقت نہیں، سب کچھ سوچی سمجھی سازش کے تحت کیا جا رہا ہے، مجھے کوئی بلیک میل نہیں کر سکتا۔
واضح رہے کہ شہباز شریف کی اہلیہ کے سابق سیکرٹری زبیر محمود نے اپنی آنے والی کتاب کے حوالے سے ایک نجی ٹی وی چینل کے پروگرام میں کہا تھا کہ شہباز شریف نہیں چاہتے کہ مریم نواز لیڈر بنیں۔ چوہدری نثار، شہبازشریف کی ہدایات پر نوازشریف کی طے شدہ مخالفت کر رہے ہیں۔ زبیر محمود نے کہا کہ تہمینہ درانی کے گھر پر شہباز شریف اور چوہدری نثار کی دو درجن سے زائد ملاقاتیں ہو چکی ہیں۔انہوں نے یہ بھی دعویٰ کرتے ہوئے کہا تھا کہ تہمینہ درانی کے ٹیکسٹ میسجز اور فون کال ریکارڈ ان کے پاس محفوظ ہے، زبیر محمود نے اپنی گفتگو میں کہا تھا کہ میڈم کی ہدایت تھی کہ اس ریکارڈ کو میں محفوظ رکھوں اور دس سال بعد کتاب شائع کروں لیکن میں نے کچھ جلدی کر دی، یہ کتاب چار ماہ میں سامنے آ جائے گی۔ شہباز شریف کی اہلیہ نے زبیر محمود کے انکشافات کی تردید کرتے ہوئے کہا کہ زبیر محمود کی کبھی چوہدری نثار سے ملاقات نہیں ہوئی ہے، انہوں نے کہا کہ چوہدری نثار ہمارے گھر کے ایک فرد ہیں جنہیں نواز شریف سے پہلے سے جانتی ہوں، انہوں نے کہا کہ ان کا ن لیگ سے کوئی تعلق نہیں ہے۔ تہمینہ درانی نے ایک نجی ٹی وی چینل کے پروگرام میں گفتگو کرتے ہوئے سابق سیکرٹری زبیر محمود کے الزامات کا جواب دے دیا، میاں شہبازشریف کی اہلیہ تہمینہ درانی نے کہا کہ زبیر محمود کی سنائی گئی کہانی میں کوئی حقیقت نہیں، سب کچھ سوچی سمجھی سازش کے تحت کیا جا رہا ہے، مجھے کوئی بلیک میل نہیں کر سکتا۔
