اسلام آباد (مانیٹرنگ ڈیسک) رہنما مسلم لیگ(ن) حنیف عباسی نے اچانک اڈیالہ جیل کا دورہ کیا ہے جس سےپورے ملک میں چہ میگوئیاں شروع ہو گئی ہیں اور کئی سوالات جنم لینے لگے ہیں۔نجی ٹی وی کے مطابق ن لیگی رہنما حنیف عباسی نے اچانک اڈیالہ جیل راولپنڈی کا دورہ کیا ہے۔ ذرائع کا کہنا ہے کہ اڈیالہ جیل میں تزئین و آرائش کا کام تیزی سے جاری ہے اور حنیف عباسی انہی کا جائزہ لینے
گئے تھے۔ حنیف عباسی کے اس دورے کے بعد بہت سوالات جنم لینے لگے ہیں اور یہ سوال بھی پیدا ہوگیا ہے کہ کہیں شریف خاندان کیلئے تو جیل کی تزئین و آرائش نہیں کی جارہی؟واضح رہے کہ تحریک انصاف کے رہنماﺅں کی جانب سے ماضی میں پورے وثوق کے ساتھ دعویٰ کیا جاتا ہے کہ نواز شریف نیب ریفرنسز میں پوری طرح پھنس چکے ہیں اور اب ان کا ٹھکانہ اڈیالہ جیل میں ہوگا۔
