اسلام آباد(مانیٹرنگ ڈیسک) تحریک انصاف کے رہنما ڈاکٹر عامر لیاقت حسین نے کہا ہے کہ بلاول کی پیپلز پارٹی میں وہی حیثیت ہے جو ملک میں صدر ممنون حسین کی ہے، پاپا کی ’’باربی ڈال‘‘ کے علاوہ بلاول بھٹو کا کوئی تعارف نہیں۔پیر کو بلاول بھٹو کے خطاب پر رد عمل دیتے ہوئے عامر لیاقت کا کہنا تھا کہ سندھ حکومت میں بلاول اپنی

مرضی سے چپڑاسی تک تبدیل نہیں کروا سکتے، بلاول کا واحد کارنامہ یہ ہے کہ انہوں نے اپنا نام تبدیل کیا۔انہوں نے کہاکہ بلاول کی بات کو عموماً کوئی سنجیدگی سے نہیں لیتا،بلاول کی بجائے حقیقی طور پر بااختیار انکے والد ہیں۔عامر لیاقت حسین نے کہا کہ بلاول عمران خان کے بارے میں گفتگو کرنے سے پہلے خود کچھ کرکے دکھائیں۔