ممبئی (نیوزڈیسک)بالی ووڈ کی دبنگ ہیروئین سوناکشی سنہا نہ صرف بہترین اداکارہ ہیں بلکہ ایک بہت اچھی مصورہ بھی ہیں۔سوناکشی سنہا نے حال ہی میں سوشل میڈیا پر اپنے بنائے ہوئے خاکے مداحوں کے ساتھ شیئر کیے جنہیں خوب پسند کیا جارہا ہے۔یہ پہلی بار نہیں جب سوناکشی نے اپنے بنائے ہوئے خاکے مداحوں کے ساتھ شیئر کیے ہوں ،اس سے قبل بھی سوناکشی اپنے سوشل میڈیا اکاو¿نٹ کے ذریعے اپنی بنائی ہوئی تصاویر شیئر کر چکی ہیں۔سوناکشی اپنے بنائے ہوئے خاکوں کو ڈوڈلز کہتی ہیں اور ان کے بقول وہ فرصت کے لمحات میں یہ خاکے شوق سے بناتی ہیں۔سوناکشی سنہا کو خاکے بنانے کا شوق تو ہے لیکن پینٹنگ میں انکی دلچسپی کچھ کم ہے۔یاد رہے کہ سوناکشی ایک بہترین آرٹسٹ ہیں کیونکہ بالی ووڈ میں آنے سے پہلے وہ ایک فیشن ڈیزائنر بننا چاہتی تھیں لیکن وہ آج بالی ووڈ کی بہترین اور مصروف ترین اداکاراﺅں میں سے ایک ہیں۔