دبئی(نیوزڈیسک)پاکستانیوں کو کوئی اماراتی نوکری نہ دے یہ لوگ خلیجی ممالک کیلئے خطرہ ہیں کیونکہ ۔۔! ،دبئی سیکورٹی کے سربراہ جنرل دھاہی خلفان اپنا زہر سامنے لے آئے،پاکستانی شدید مشتعل، تفصیلات کے مطابق دبئی جنرل سیکورٹی کے سربراہ لیفٹیننٹ جنرل دھاہی خلفان نے سوشل میڈیا کا سہارا لیتے ہوئے پاکستان کے خلاف خوب زہر اگلا اور بھارتیوں کی تعریفوں کے پل باندھ دیئے،

جنرل دھاہی خلفان نے ٹویٹر پر پاکستانیوں کو شدید تنقید کا نشانہ بناتے ہوئے دبئی حکام کی جانب سے منشیات سمگل کرنے والے ایک پاکستانی گروہ کی تصویر شیئر کرتے ہوئے خوب زہر اگلا، ان کے ٹویٹس سے ایسا ظاہر ہوتا ہے جیسے دنیا بھر میں موجود پاکستانی منشیات کے سمگلر ہیں،واضح رہے کہ یہ ٹویٹس تب سامنے آئے ہیں جب دبئی حکام نے منشیات سمگل کرنے والے ایک پاکستانی گروہ کو گرفتار کیا ہے انہوں نے اپنے ٹویٹس میں خلیجی ریاستوں کو داخلی راستوں پر سیکورٹی مزید سخت کرنے کا مشورہ دیا اور شہریوں کو مشورہ دیا کہ پاکستانی شہریوں کو بطور ملازم نوکری پر نہ رکھیں، اپنے ٹویٹس میں جنرل دھاہی خلفان کہتے ہیں کہ پاکستانیوں کو نوکری پر نہ رکھنا اب ہمارا قومی فرض بن گیا ہے، بھارتی شہری منظم ہیں جبکہ پاکستانی معاشرے میں جرائم اور سمگلنگ جیسے جرائم بڑھ رہے ہیں،انہوں نے کہا کہ اب وقت آگیا ہے کہ بنگالیوں کی طرح پاکستانیوں پر بھی سختی کی جائے ۔ ان کے ٹویٹس پر پاکستانیوں کاشدید ردعمل سامنے آیا ہے اور سوشل میڈیا سائٹس پر انہیں سخت تنقید کا نشانہ بنایاجارہاہے چند افراد کے گناہ کاذمہ دار پوری قوم کو ٹھہرانا اور ایک اعلیٰ عہدیدار کی جانب سے پاکستانی قوم کی توہین کسی طرح بھی قابل برداشت نہیں ہے، سوشل میڈیا پر پاکستانی صارفین نے اس سلسلے میں حکومت پاکستان سے اقدامات اٹھانے کامطالبہ کیا ہے ۔