لاہور (آن لائن)افسوس امریکہ نے پاکستان کے وزیر اعظم شاہد خاقان عباسی کے کپڑے اتار کر تلاشی لی، ایک وقت تھا پاکستان کا وزیر اعظم امریکہ جاتا تو امریکی صدر ائیر پورٹ پر استقبال کرتا تھا۔ چیئرمین پاکستان تحریک انصاف عمران خان نے اکبر چوک میں ممبر سازی مہم کے دوران کارکنوں سے خطاب کرتے ہوئے کہا کہ جب میں خود برطانیہ پڑھنے گیا تو سبز پاسپورٹ پر پورا یورپ گھومتا تھا جبکہ آج سبز پاسپورٹ پر جائیں تو علیحدہ کھڑا کر دیتے ہیں۔

انہوں نے کہا کہ جو اپنوں کی عزت نہیں کرتا لوگ اس کی عزت نہیں کرتے۔ پاکستان اللہ تعالیٰ کی طرف سے ہمارے لئے تحفہ ہے۔ مودی کے پاکستان میں مسلمانوں کی حالت دیکھے تو رونہ آتا ہے انڈیا میں 80 فیصد مسلمان غربت کی لکیر سے نیچے ہیں، گائے کا گوشت کھانے پر مسلمانوں کو قتل کردیا جاتا ہے، پاکستان اللہ کی نعمت ہے اس کو کرپشن سے پاک کرنا ہو گا، پاکستان میں کرپٹ ٹولا اقتدار پر قابض ہے پنجاب کا ساڈھے چھ سو ارب کا فنڈ واحد فیصلہ کرتا ہے کہ کہاخرچ ہو گا، انہوں نے کہا کہ پنجاب میں اشتہاروں کی حد تک ترقی ہے عملی طور پر کچھ نہیں، لاہور کے شہری پینے کے صاف پانی سے محروم ہیں اور عوام کو عدالتوں میں انصاف بھی نہیں ملتا پنجاب پولیس کی اصلاحکی بجائے وردیاں بدل کر انہیں ڈاکیا بنا دیا ، لاہور میں دو سو ساٹھ ارب روپے کی اورنج ٹرین بنائی گئی ہے، اورنج ٹرین عوام کیلئے نہیں بلکہ پیسہ بنانے کیلئے بنائی گئی ہیں،