اسلام آباد (آئی این پی)پاکستان کے وزیراعظم شاہد خاقان عباسی بائو فورم برائے ایشیاء (بی ایف اے )میں شرکت کیلئے آئندہ ہفتے چین جائیں گے ، بائو فورم برائے ایشیاء اقتصادی شعبے میں علاقائی رابطے کو فروغ دینے کیلئے چینی حکومت کا ایک اقدام اور ہائی پروفائل پلیٹ فورم ہے ،سفارتی ذرائع نے اتوار کو یہاں بتایا کہ بائو میں وزیراعظم پاکستان شاہد خاقان عباسی کی موجودگی چین اور دوسرے علاقائی ممالک کے ساتھ پاکستان کی بڑھتی ہوئی سماجی و اقتصادی پارٹنر شپ کی آئینہ دار ہو گی ۔

توقع ہے کہ چین کے دورہ کے دوران وزیراعظم شاہد خاقان عباسی چین اور پاکستان کی تاریخی وقت کی آزمائش پر پوری اترنے والی اور گہری دوستی پر دوبارہ زور دینے کیلئے چین کی اعلیٰ قیادت سے ملاقات کے موقع سے بھی استفادہ کرینگے ۔ بائو فورم پروگرام کے مطابق 8اپریل سے 11اپریل تک چین کے صوبہ ہائی نان میں منعقد ہو گا ، اس سے شرکاء ممالک کو دوطرفہ اور علاقائی سطح پر کاروباری رابطے میں اضافے کا اہم موقع فراہم ہو گا، بائو بنی نوع انسان کیلئے مشترکہ مستقبل کی برادری کی تعمیر جیسی چین کی اہم تجاویز کی وکالت کیلئے چین کیلئے ایک اہم پلیٹ فورم ہے ، چینی وزیر خارجہ وونگ ژی کے مطابق چین بائو کو انتہائی اہمیت دیتا ہے کیونکہ یہ مساوی صورتحال میں ایشیائی ممالک کے کاروباری مفاد کے فروغ کیلئے انہیں ایک دوسرے کے قریب لا سکتا ہے ،بی ایف اے کے سیکرٹری جنرل چو وین چونگ نے ایک پریس بریفنگ میں بتایا کہ بی ایف کے رواں سال کے سالانہ اجلاس میں اصلاحات ،کھلے پن اور ایجاد کے موضوعات کو اجاگر کیا جائیگا۔ انہوں نے کہا کہ رواں سال کی کانفرنس کے دو سیشن ہوں گے ، جو اصلاحات اور کھلے پن کی 40ویں سالگرہ کیلئے خاص طور پر مختص ہوں گے ،جبکہ اس کے علاوہ کپیٹل مارکیٹ ریفامر ، ما نیٹری پالیسی ، نارملائزئشن ٹکسیوں میں کٹوتی اور دیہی نشاعت ثانیاں جیسے موضوعات بارے بھی سیشن ہوں گے ۔ اس فورم میں سربراہان مملکت، حکومتی اہلکار ،سکالر اورخانہ دار شریک ہوں گے ۔