پشاور(آئی این پی ) پشاور سمیت خیبرپختونخوا کے مختلف علاقوں میں 5.2 شدت زلزلے کے جھٹکے محسوس کیے گئے ، لوگوں میں خوف ہر اس پھیل گیا ، کلمہ طیبہ کا ورد کرتے ہوئے گھروں سے باہر نکل آئے ۔ ہفتہ کو زلزلہ پیما مرکز کے مطابق زلزلے کے جھٹکے پشاور، مالاکنڈ ایجنسی، سوات،

مردان اور گرد و نواح میں محسوس کیے گئے جس کی ریکٹر اسکیل پر شدت 5.2 ریکارڈ کی گئی۔زلزلے کی زیر زمین گہرائی 230 کلو میٹر تھی جبکہ اس کا مرکز افغانستان اور تاجکستان کا سرحدی علاقہ تھا۔زلزلے کے باعث کسی قسم کے جانی و مالی نقصان کی اطلاعات تاحال موصول نہیں ہوئیں۔