کراچی ( نیوز ڈیسک)کراچی میں جمشید کوارٹر کے اطراف میں پولیس نے سرچ ا پریشن کے دوران گینگ وار کے کارندوں سمیت 35 مشتبہ افراد کو حراست میں لیکر ملزموں کے قبضے سے اسلحہ بھی برا مد کر لیا۔جمشید کوارٹرز کے علاقے میں پولیس نے سرچ ا پریشن کیا جس کے دوران علاقے کے داخلی اور خارجی راستوں کی ناکہ بندی کر کے تلاشی لی گئی۔ ا پریشن کے دوران پولیس اور جرائم پیشہ افراد کے درمیان فائرنگ کا تبادلہ بھی ہوا۔ کارروائی کے نتیجے میں گینگ وار کے کارندوں سمیت 35 ملزموں کو گرفتار کر لیا گیا۔ گرفتار ملزموں کے قبضے سے کلاشنکوف ، ٹی ٹی پستول اور منشیات برا مد کر لی گئیں۔