نئی دہلی(آئی این پی)آئی پی ایل نے بھی پاکستان سپر لیگ کی نقل شروع کردی۔آئی پی ایل نے پی ایس ایل کی نقل کرتے ہوئے اس بار ایونٹ میں ڈی آر ایس کا استعمال کرنے کا فیصلہ کرلیا جب کہ انڈین پریمیئر لیگ کے چیئرمین راجیو شکلا نے تصدیق کی کہ ایونٹ کی تاریخ میں پہلی
بار ٹیکنالوجی کا استعمال ہوگا۔رواں برس کے ایڈیشن میں ڈی آر ایس کے استعمال کیلئے دسمبر میں وشاکھا پٹنم میں ایک میٹنگ ہوئی تھی، جس میں ڈومیسٹک کرکٹ کے ٹاپ 10 امپائرز کو آئی سی سی کے امپائرز کوچ ڈینس برنس اور آسٹریلیا کے پال رائفل نے ڈی آر ایس پر بریفنگ دی تھی۔
