اسلام آباد(مانیٹرنگ ڈیسک)جوتا بازی کی وبا سیاستدانوں کے بعد عدلیہ میں بھی جا پہنچی۔ پاکستان کے موقر قومی اخبار روزنامہ 92نیوز کی رپورٹ کے مطابق ملتان میں ملزم نے بھری عدالت کے اندر جج پر جوتا اچھال دیا۔ واقعہ کے بعد فاضل جج اٹھ کر چیمبر میں چلے گئے۔ ملتان میں اس وقت افسوسناک صورتحال پیدا ہو گئی جب پیشہ

پر لائے گئے ملزم اعجاز نے اچانک پائوں سے جوتی نکال کر سینئر سول جج زاہد قیوم کی طرف پھینک دی۔ فاضل جج نے ملزم کے فعل پر کمال صبر و تحمل کا مظاہرہ کیا اور خاموشی سے اٹھ کر اپنے چیمبر میں چلے گئے جبکہ ملزم اعجاز کو واپس بخشی خانے منتقل کر دیا گیا۔ پولیس کے مطابق واقعے کی تحقیقات شروع کر دی گئی ہیں۔