اسلام آباد(مانیٹرنگ ڈیسک)سینئر صحافی نصرت جاوید کا کہنا ہے کہ عمران خان ،عامر لیاقت کو تحریک انصاف میں اس لئے لائے ہیں تا کہ وہ عامر لیاقت کے ذریعے ٹی وی پر اپنا پیغام زیادہ لوگوں تک پہنچا سکیں۔نجی ٹی وی پر اپنے پروگرام میں گفتگو کرتے ہوئے نصرت جاوید کا کہنا تھا کہ عمران خان کو اپنا پیغام لوگوں تک پہنچانے کے لئے ٹی وی سکرین پر زیادہ لوگ چاہئیں۔جو ٹی وی پر بیٹھ کر عمران خان کا موقف لوگوں تک پہنچا سکیں۔تو اس لئے عمران خان کے خیال
میں عامر لیاقت یہ کام بہت اچھے طریقے سے کر سکتے ہیں۔کیونکہ وہ ریٹنگ کے بادشاہ مانے جاتے ہیں۔ عمران خان عامر لیاقت کے ذریعے ٹی وی پر کسی بھی شخص کی مناسب انداز میں بے عزتی کر وا سکتے ہیں اور عامر لیاقت کے ذریعے کسی کے خلاف فتوے بھی جاری کروا سکتے ہیں۔عمران خان کو اس وقت ایسا بندہ چاہئیے تھا جس میں وہ تما م خوبیاں ہوں جو عامر لیاقت میں ہیں۔واضح رہے کہ عمران خان کے اس فیصلے پر پارٹی کے اندر شدید اختلافات پیدا ہوگئے ہیں۔
