لاہور(نیوزڈیسک)ٹی ٹوئنٹی سیریز،جو کھلاڑی پاکستان جائے گا اس کو کتنے ہزار ڈالرز دیئے جائیں گے، ویسٹ انڈیز کرکٹ بورڈ نے اپنے کھلاڑیوں کے لئے بڑا اعلان کردیا، تفصیلات کے مطابق ویسٹ انڈیز کرکٹ بورڈ نے اپنے کھلاڑیوں کے لئے اعلان کیا ہےکہ پاکستان میں تین میچوں پر مشتمل ٹی ٹوئنٹی سیریز کھیلنے کے لئے جو کھلاڑی بھی پاکستان جائے گا اسے پچیس ہزار ڈالر فی کس دیئے جائیں گے، کرکٹ ویسٹ انڈیز کے چیف ایگزیکٹو آفیسر جونی گریو نے وضاحت کی کہ
یہ اضافی معاوضہ ویسٹ انڈیز اور پاکستان کرکٹ بورڈ کی جانب سے مشترکہ طور پر ادا کیا جارہاہے جونی گریو نے معروف کرکٹ ویب سائٹ سے گفتگو کرتے ہوئے کہا کہ پاکستان اپنے ملک میں مزید کرکٹ کھیلنے کی منصوبہ بندی کر رہاہے جس کیلئے اگلے سال پی ایس ایل کے آدھے میچ پاکستان میں ہوں گے انہوں نے بتایا کہ یہ سیریز فیوچر ٹور پروگرام میں شامل نہیں اس لئے پی سی بی نے کچھ ادائیگی کی ہے جس کا فائدہ اٹھایا جا رہا ہے۔ انہوں نے اس موقع پر بتایا کہ کرکٹ ویسٹ انڈیز اس سیریز سے کوئی رقم نہیں لے رہی اور صرف پاکستان میں بحالی کرکٹ میں اپنا کردار ادا کر رہی ہے۔
