لندن/ ماسکو (این این آئی) برطانوی وزیرِ خارجہ نے روسی ایجنٹ پر قاتلانہ حملے کے الزام میں براہ راست روسی صدرپیوٹن پر انگلی اٹھا دی، روس نے الزام مسترد کرتے ہوئے جوابی کارروائی کی دھمکی دے دی۔امریکی میڈیا کے مطابق ماسکو اور لندن میں ان دنوں سرد جنگ عروج پر ہے۔ لندن میں روسی ڈبل ایجنٹ اور اس کی بیٹی پر قاتلانہ حملے کے بعد دو عالمی طاقتوں میں ٹھن گئی ہے۔ برطانوی وزیرِ خارجہ بورس جانسن کا کہنا تھا کہ ہو

سکتا ہے کہ روسی ایجنٹ پر حملہ پیوٹن کے کہنے پر کیا گیا ہو۔روسی وزیرِ خارجہ نے برطانوی ہم منصب کے بیان کو سفارتی اخلاقیات کے منافی قرار دیتے ہوئے برطانوی سفارتکاروں کی ملک بدری کی دھمکی دے دی ہے۔اس سے پہلے برطانوی وزیرِ اعظم ٹریزا مینے 23 روسی سفارتکاروں کو ایک ہفتے کے اندر برطانیہ چھوڑنے کا حکم دیتے ہوئے کہا تھا کہ برطانوی کابینہ اور شاہی خاندان کا کوئی رکن روس میں شیڈول فیفا ورلڈ کپ کی تقریب میں شرکت نہیں کرے گا۔