اسلام آباد(نیوز ڈیسک) فرنیئر کور بلوچستان نے کوئٹہ کے علاقے پسنی میں سرچ آپریشن کے دوران سول ایوی ایشن کے ریڈار پر حملے میں ملوث تین دہشت گرد گرفتار کر لئے ہیں ملزمان کے قبضے سے بھاری مقدار میں اسلحہ بارودی مواد بھی برآمد کر لیا ۔ میڈیا رپورٹس کے مطابق بدھ کے روز ایف سی نے پسنی کے علاقے میں سرچ آپریشن کے دوران ایک گھر میں چھاپہ مار کے تین دہشت گردوں کو گرفتار کر لیا ہے جبکہ ملزمان کے ٹھکانے سے برآمد ہونے والا اسلحہ بھی اپنے قبضہ میں لے لیا ہے ایف سی حکام کے مطابق سرچ آپریشن کے دوران ریڈار حملے میں ملوث تین دہشت گردوں کو گرفتار کیا گیا ہے اور ملزمان کے ٹھکانے سے بھاری مقدار میں اسلحہ و بارودی مواد بھی برآمد ہوا ہے ابتدائی تفتیش کے دوران ملزمان نے ریڈار پر حملے کا اعتراف کر لیا ہے مزید تفتیش کے لئے تینوں ملزموں کو نامعلوم مقام پر منتقل کر دیا گیا ہے مزید انکشاف کی توقع ہے ۔