اسلام آباد(مانیٹرنگ ڈیسک)معروف صحافی شاہد مسعود نے نجی ٹی وی پروگرام میں گفتگو کرتے ہوئے کہا کہ آرمی چیف جنرل قمر باجوہ نے سینٹ میں کی گئی فرحت اللہ بابر کی تقریر کی تعریف کی اور کہا کہ فرحت اللہ بابر اور رضا ربانی جیسے لوگ نظریاتی لوگ ہیں ۔ رضا ربانی بھی نظریاتی ہیں، انہوں نے بتایا کہ جب جنرل قمر جاوید باجوہ میڈیا سے متعلق بات کر رہے تھے تو انہوں نے ایک لفظ استعمال کیا اور کہا کہ کچھ لوگ تو وہ ہیں جو اپنے نظریات
بیان کرتے ہیں لیکن ہمارے پاس یہ اطلاعات آتی ہیں کہ کچھ لوگ لفافے پکڑتے ہیں،جیسے ہی آرمی چیف نے لفافے کا نام لیا میں نے دائیں بائیں دیکھا تو میڈیا کی کچھ شخصیات نے پریشانی کا اظہار کیا ،آرمی چیف نے کہا کہ اگر آپ نظریاتی طور پر قائل ہیں تو آپ بے شک بحث کریں لیکن آپ پیسے پکڑ کر ایسی بات نہ کریں جو ملکی سالمیت کے خلاف ہو۔واضح کہ گزشتہ روز آرمی چیف سے لاہور،کراچی اور اسلام آباد کے صحافیوں نے ملاقات کی تھی۔
