ریاض(نیوزڈیسک) سعودی عرب کے دارالحکومت میں گزشتہ روز گرنے والی عمارت کے ملبے سے 10 پاکستانیوں سمیت 11 افراد کی لاشیں نکال لی گئی ہیں۔غیرملکی میڈیا کے مطابق ریاض میں القسیم یونیورسٹی کے زیرتعمیر کنونشن سینٹر کی عمارت منہدم ہوگئی جس کے ملبے تلے 50 سے زائد مزدور دب گئے جنہیں نکالنے کے لئے ریسکیو آپریشن شروع کردیا۔ غیر ملکی سفارتی حکام نے بتایا کہ واقعہ میں لقمہ اجل بننے والے 11 افراد میں 10 پاکستانی، ایک بھارتی شہری تھا۔ دوسری جانب سعودی ہلال احمر نے واقعے میں 6 افراد کی ہلاکت کی تصدیق کی۔