اسلام آباد (مانیٹرنگ ڈیسک) مریم نواز سونے کا چمچ منہ میں لے کر پیدا ہوئی اور کرپشن کے پیسوں پر پلی بڑی ہیں، عائشہ گلالئی کی توپوں کا رخ مریم نواز کی جانب ہو گیا، سابق وزیراعظم کی صاحبزادی کو کوریج دینے پر میڈیا سے شکوہ کردیا۔ تفصیلات کے مطابق نجی ٹی وی پروگرام میں گفتگو کرتے ہوئے عائشہ گلالئی نے اپنی توپوں کا رخ مریم نواز کی جانب کر دیا ہے۔ عائشہ گلالئی کا کہنا تھا کہ ن لیگ نے فوج اور اداروں کے خلاف بیانات دینے کے عوض مجھے سینیٹ کے ٹکٹ کی
پیشکش کی تھی اور ن لیگ اس بات کی کیسے تردید کر سکتی ہے جب اس کے جلسوں میں اداروں اور فوج پر تنقید کی جاتی ہے۔ عائشہ گلالئی نے مریم نواز کو آڑے ہاتھوں لیتے ہوئے کہا کہ مر یم نواز سونے کا چمچ منہ میں لے کر پیدا ہوئی اور کرپشن کے پیسوں پر پلی بڑی ہیں۔ مجھے تو میڈیا سے بھی شکوہ ہے کہ وہ مریم نواز اور ایسے دیگر لوگوں کو کوریج دیتا ہے لیکن میں جب ملکی مفاد کی بات کرتی ہوں تو مجھے کوریج نہیں دی جاتی ۔ میڈیا کو بھی اپنے کردار پر نظر ثانی کرنی چاہئے۔
