اسلام آباد(این این آئی)پاکستان تحریک انصاف نے حکمران جماعت مسلم لیگ (ن) کی ایک اور وکٹ گرادی۔پی ٹی آئی کے ٹوئٹر اکاؤنٹ پر حلقہ این اے81 فیصل آباد سے (ن) لیگ کے ایم این اے نثار احمد جٹ کی تحریک انصاف میں شمولیت سے متعلق اعلان کیا گیا۔ رکن قومی اسمبلی نثار احمد جٹ نے پی ٹی آئی کے
مرکزی رہنما جہانگیر ترین سے ان کے گھر پر ملاقات کی اور پی ٹی آئی میں شمولیت اختیار کی۔جہانگیر ترین اور نثار احمد جٹ کچھ دیر بعد تحریک انصاف کے چیئرمین عمران خان سے ملاقات کیلئے بنی گالہ روانہ ہوں گے۔ عمران خان سے ملاقات میں نثار احمد جٹ پارٹی میں شمولیت سے متعلق باضابطہ اعلان کریں گے۔
